Алматыда заңсыз сауда нысандары сүріліп жатыр, деп хабарлайды kazlenta.kz тілшісі Үкіметтің баспасөз қызметіне сілтеме жасап.
Кезекті сүрілген нысан Наурызбай ауданындағы Қонаев және Яссауи көшелерінің қиылысында орналасқан бургер сататын орын болды.
Қаланы тазарту науқаны аясында мемлекеттік қор жеріне өз бетінше қойылған 300-ден астам дүңгіршек пен 222 ойын автоматы (силомер) бұзылды. Жұмыс тобы жерге бекітілген 32 күрделі құрылымды анықтады – олар бойынша сотқа талап-арыз жолданды. Қала тұрғындары өзгерістерді байқап жатыр. «Кеңірек, таза болып қалды, дүңгіршектердің айналасында қоқыс пен егеуқұйрықтар жоқ», – дейді Медеу ауданының тұрғыны Татьяна Касаткина.Бұзу жұмыстары жалғасады, 15 наурызға дейін қалған 210 стационарлық емес сауда нысанын (СЕСН) жою жоспарланған. Алматы жайлы әрі көрікті қалаға айналып келеді!