ТЖМ қызметкерлері Ақтөбе облысында жоғалған адамды тапты, - деп хабарлайды kazlenta.kz тілшісі Tengrinews.kz сайтына сілтеме жасап.
Іздестіру-құтқару операциясы Ақтөбе облысының Алға ауданында жүргізілген.Кеше таңертен 1969 жылы туған ер адам шаруашылық қожалығынан мал іздеуге шыққан. Кешке қарай құтқарушыларға алаңдаған туыстары хабарласып, ер адам үйге қайта келмегенін, онымен байланыс жоқ екенін жеткізген.
Іздеуге құтқарушылар екі жол талғамайтын ТРЭКОЛ көлігімен шыққан. Төрт сағат жол жүрген құтқарушылар ер адамды басқа шаруашылық қожалығы аумағынан тапты.
"Ер адам зардап шекпеген. Оның телефон қуаты отырып, қарда жүретін көлігі батып қалғандықтан, бірнеше шақырым жаяу жүріп шаруа қожалығына жеткен", - деп жазылған хабарламада.
Құтқарушылар ер адамды Көктоғай кентіне жеткізді.