Астанамен теміржол қатынасын жақсарту үшін екі электр пойызы іске қосылады, - деп хабарлайды kazlenta.kz тілшісі Tengritravel.kz сайтына сілтеме жасап.
ОКҚ брифингі барысында Көлік министрлігіне қарасты теміржол және су көлігі комитеті төрағасының орынбасары Нұржан Келбуғанов электропойыздарды сатып алу жоспары туралы айтты. Оның айтуынша, биыл сұранысы жоғары бағыттарда жұмыс істеу үшін 226 вагон сатып алу көзделген.
"Былтыр Астана мен Бурабай арасында бір электр пойызы іске қосылды. Оның нәтижесінде жүру уақыты 3,5 сағаттан 2,5 сағатқа дейін қысқарды. Биыл Қарағанды – Астана және Ерейментау – Астана бағыттарында екі электр пойызын іске қосу жоспарланған. Яғни, олар Астана маңында қатынайтын болады", – деді Нұржан Келбуғанов.