Жамбыл облысында көліктерді алаяқтықпен иемденген күдікті анықталды, – деп хабарлайды kazlenta.kz тілшісі Polisia.kz сайтына сілтеме жасап.
Тараз қаласы полиция басқармасына облыс орталығының 32 жастағы тұрғыны танысын алдап, сенімін теріс пайдалану арқылы 8 Toyota Camry автокөлігін иемденіп алғаны туралы арызбен жүгінді. Аталған дерек бойынша ҚР ҚК-нің 190-бабы 4-бөлігімен (аса ірі мөлшердегі алаяқтық) сотқа дейінгі тергеп-тексеру жүргізілуде. Тергеу барысында осы қылмысқа Тараз қаласының 30 жастағы тұрғынының қатысы бар екені анықталды. Жүргізілген жедел-тергеу шараларының нәтижесінде Toyota Camry 5 көлік табылып, тәркіленді. 2025 жылғы 10 ақпанда қылмыстық іс ҚР ҚПК-нің 300-бабына сәйкес аяқталып, облыстық прокуратураға жолданды. ҚР ҚПК 201-бабының талаптарына сәйкес, тергеу мүддесіне байланысты басқа ақпарат жария етуге жатпайды.18-02-2025, 17:32
Жамбыл облысында көліктерді алаяқтықпен иемденген күдікті анықталды
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз