Ақтөбеде жол талғамайтын көліктің мас жүргізушісі тапаншамен ұсталды, – деп хабарлайды kazlenta.kz тілшісі Polisia.kz сайтына сілтеме жасап.
Ақтөбенің басты даңғылдарының бірінде патрульдік полиция қызметкерлері ЖҚЕ бұзғаны үшін BMW автокөлігін тоқтатты. Тексеру кезінде 34 жастағы жүргізуші 2022 жылы көлік құралдарын басқару құқығынан 7 жыл мерзімге айырылғаны анықталды. Сондай-ақ сараптама жүргізушінің мас күйде екенін көрсетті.
Әрі қарай екі куәгердің қатысуымен автокөлікті тексеру барысында полицейлер төрт патроны бар сигналдық тапаншаны тауып, тәркіледі.
Көлік басқару құқығынан айырылған адамның мас күйінде көлік құралын басқаруы, сондай-ақ суық қаруды сақтау фактілері бойынша тергеу әрекеттері жүргізіліп жатыр. Күдікті уақытша ұстау изоляторына қамалды.