СҚО полиция департаментінде жаңа кадрлық тағайындаулар болды, — деп хабарлайды kazlenta.kz тілшісі Polisia.kz сайтына сілтеме жасап.
Солтүстік Қазақстан облысы полиция департаменті бастығының цифрландыру бойынша орынбасарының міндетін атқарушы болып Дархан Наурызбаев тағайындалды. Оның бұрынғы лауазымы — СҚО ПД ақпараттандыру және байланыс басқармасының бастығы.
Дархан Наурызбаевтың екі жоғары білімі бар: заңгерлік және техникалық. Ішкі істер органдарында 2010 жылдан бастап қызмет атқарып келеді. Қызметті патрульдік полиция батальонында бастады, бірақ қызметтің көп бөлігін байланыс бөлімшелерінде ақпараттық-техникалық жұмыспен байланысты лауазымдарда өткізді. Дархан Наурызбаев техниктен бастап басшылық лауазымдарға дейінгі қызмет жолын өткерген тәжірибелі маман.
Сондай-ақ жаңа жыл қарсаңында Айыртау ауданы полиция бөлімінің бастығы тағайындалды. Бұл лауазымға бұрын Тайынша ауданы ПБ бастығының орынбасары қызметін атқарған Марат Нұрахметов тағайындалды.
Ол ішкі істер органдарында 1999 жылдан бастап қызмет атқаруда. Учаскелік инспектор және жедел уәкіл лауазымдарында болды, 2014 жылдан бастап Тайынша және Ақжар аудандарында басшылық лауазымдарды атқарды. Ішкі істер органдарында 30 жылдан астам жұмыс өтілімен зейнет демалысына шыққан отставкадағы полиция полковнигі Марат Серкешевтің орнына келді.