Сайрам ауданында полиция алаяқтық жасаған ер адамды ұстады, – деп хабарлайды kazlenta.kz тілшісі Polisia.kz сайтына сілтеме жасап.
Белгілі болғандай, жұмыссыз күдікті ер адам танысына “жүргізуші куәлігін алып беремін” деп жалған уәде берген. Жәбірленушіден алдын ала 200 мың теңге ақшасын алып, алдап келген. Ал ақшаны жеке басының пайдасына жаратқан.
Тәртіп сақшылары күдіктінің бұдан басқа да дәл осындай алаяқтықтың екі фактісіне қатысы бар екені анықтады. Келтірілген шығын көлемі 600 мың теңгеден асады.
Қазіргі таңда ер адамға қатысты сотқа дейінгі тергеу амалдары жүргізіліп жатыр.