Алматыда 14 жылдан бері алғаш рет биік таулы «Медеу» кешеніне апаратын жол жөнделді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Жұмыс қала әкімі Ерболат Досаевтың тапсырмасымен қолға алынды. Қаланың басты көрікті жерінің бірі саналатын «Медеуге» апаратын Керей мен Жәнібек хандар көшесіне жаңа асфальт төселіп, жол белгілері және жаяу жүргіншілерге арналған қауіпсіз тротуарлар орнатылды. Ұзындығы 10 км болатын жол бөлігіне ыстыққа және тозуға төзімді полимерасфальтбетон төселді, бұл материалдың қызмет ету мерзімі де ұзағырақ. Сонымен қатар, 14 км жаңа тротуарлар мен жаяу жүргіншілер мен жүргізушілердің қауіпсіздігі үшін 37 «қалқымалы» люк орнатылды.
Енді «Медеуге» баратын жол бұрынғыдан да ыңғайлы әрі жайлы бола түсті!