Алматыда Құрманғазы көшесінде Пушкин көшесінен Зенков көшесіне дейінгі құбырды ауыстыру жұмыстары аяқталды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Ұзындығы 305 метр болатын осы учаскеде 1986 жылы пайдалануға берілген құбыр ауыстырылды. Қазір ол 5 тұрғын үй мен 4 нысанды жылу және ыстық сумен қамтамасыз етеді.Биыл Алматы әкімі Ерболат Досаевтың тапсырмасымен 20 км жылу желісі жаңғыртылып, жұмыс қаланың 6 ауданында жылыту маусымынан тыс уақытта жүргізілді. Жаңартудан кейін учаскелерді көріктендіру ауа райына байланысты кезең-кезеңімен іске асады.30-10-2024, 11:44
Алматыда Құрманғазы көшесіндегі ескі құбыр ауыстырылды
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз