Алматыдағы Байқадамов көшесінде көлік қозғалысы шектеледі, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
12 маусым мен 15 қыркүйек аралығында Байқадамов көшесінде Розыбакиев көшесінен Гагарин даңғылына дейін, сондай-ақ Радостовец көшесінде Байқадамов көшесінен Журавлев көшесіне дейін көлік қозғалысы шектеледі. Қозғалыс екі жаққа да жабылады. Бұл 40 жылдан бері пайдаланылып келе жатқан 1,2 шақырымнан астам құбырды ауыстырумен байланысты. Құбырды жаңарту жылумен жабдықтауда қауіпсіздік пен сенімділіктің кепілі. Уақытша қолайсыздыққа қарамастан, тұтынушыларға ыстық су беру тоқтатылмайды. Қазіргі таңда Алматыдағы жылу желілерінің жартысынан көбі тозған. Биыл 20 шақырым болатын 23 нысанның құбыры жөнделеді. Бұл өткен жылдармен салыстырғанда екі есе көп. Ескі құбырлар енді 30 немесе одан да ұзақ жыл жұмыс істеуге арналған алдын ала оқшауланған құбырларға ауыстырылады. Құбырды ауыстыру жылу беру желісіндегі апаттың алдын алуға, жылу шығынын азайтуға мүмкіндік береді.Уақытша қолайсыздыққа түсіністік танытып, көрсетілген аумақты айналып өтудің жолын алдын ала қарастыруды сұраймыз.11-06-2024, 15:17
Алматыдағы Байқадамов көшесінде көлік қозғалысы шектеледі
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз