СҚО-дан есірткі алып келген таратушылар Ақмола облысының орталығында ұсталды, – деп хабарлайды kazlenta.kz тілшісі Polisia.kz сайтына сілтеме жасап.
Тамыз айының соңында Көкшетау қалалық ПБ есірткі қылмысына қарсы іс-қимыл бөлімшесінің жедел уәкілдерінің ақпараты бойынша, облыс орталығының аумағына СҚО-дан екі ауыл тұрғыны есірткіні жасырын орындарға қою арқылы тарату үшін мақсатты түрде келген.
Күдіктілердің жасы 21 және 25-те, еш жерде оқымаған және жұмыс істемеген, есірткі дүкеніне жұмысқа орналасып, кураторлары оларды көрші (Ақмола) облысқа жұмыс істеуге жіберген.
Қылмыстық іс-әрекеттерін жүзеге асыру мақсатында олар Көкшетау маңындағы үйді жалға алып, екі күнде бір рет есірткілерді таратуға шығып, буып-түйіп, жасырын салу арқылы қала бойынша таратуға барды.
Жігіттер екеуі бір есірткі дүкеніне жұмысқа орналасқанына қарамастан, әрқайсысы өз бетінше жұмыс істеді.
Жеткілікті дәлелді базаны жинағаннан кейін полицейлер есірткіні жасырын салушыларды ұстады. Ұстау кезінде әрқайсысында мефедрон психотроптық заты, 33 және 30 грамммен оралған орамдар табылды.
Бұл ретте 25 жастағы есірткі сатушысының жұмысқа орналасу сәтінен бастап есірткіні өзі де қолдана бастағаны анықталды.
8 қазанда екеуі де Көкшетау қаласының уақытша ұстау изоляторына қамалды.