Астанада ірі ТК қасбеттеріндегі жарнаманы ретке келтіру жалғасуда«Sat city» ТК орам ішінде қаланың сәулеттік келбетіне сәйкес келмейтін жарнамалар мен маңдайшаларды бөлшектеу басталды, деп хабарлайды kazlenta.kz тілшісі Астана қаласы әкімдігінің баспасөз қызметіне сілтеме жасап.
«Астана Жарнама» ЖШС жұмысының бірінші күні аудан әкімдігімен бірлесіп 27 бірлік жарнама мен маңдайша алып тасталды.Оларды демонтаждау себебі елорданың сәулеттік келбетіне сәйкес келмеуі немесе «ҚР тілдері туралы» заңның бұзылуы болып табылады. Сондай-ақ, мамандар бұл тұрғын үй кешендерінің тұрғындары талғамсыз жарнамалардың қасбеттер эстетикасының бұзатынына жиі шағымданатынын айтты.«Sat City» ТК аумағында 430-ға жуық шағын және орта бизнес нысандары орналасқан. Елорданың сыртқы келбетін сақтау үшін әрбір маңдайша мен баннердің ережелерге сәйкестігі тексеріледі.Жыл басынан бері «Нұра» ауданында барлығы 284 бірлік маңдайша мен 350 бірлік жарнама конструкциясы бөлшектелді.26-09-2024, 18:05
Астанада ірі ТК қасбеттеріндегі жарнаманы ретке келтіру жалғасуда
Фото: Астана қ.әкімдігі
Егер мәтінде қате байқасаңыз, оны таңдап, Ctrl+Enter пернелерін басыңыз