Алматыда экология бойынша пилоттық жоба басталды: көліктің шығарындыларын талдау үшін спектрометрлер орнатылды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Бұл заманауи құрылғылар көліктерді тоқтатпай-ақ ауа ластануын нақты уақыт режимінде өлшейді. Спектрометрлер көмірқышқыл газы, көміртегі пен азот оксидтері және басқа да зиянды заттардың деңгейін анықтап, дизельді көліктің түтінін бағалайды. Жобаның мақсаты – қала автопаркі шығарындыларының орташа көрсеткішін бақылау. Болашақта бұл жүйе Sergek бейнебақылау жүйесімен біріктіріліп, зиянды заттардың рұқсат етілген мөлшерінен асқан көліктерді автоматты түрде тіркеу жоспарланып отыр. Мұндай жүйелер әлемнің ірі қалаларында қолданылады. Бастама Алматыдағы ауаның сапасын жақсарту жөніндегі іс-шараның бірі.13-09-2024, 15:42
Алматыда автокөліктердің шығарындыларын талдау үшін спектрометрлер орнатылды
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз