Алматы облысында соңғы бес жылда тұрғын үймен біріктірілген 178 учаскелік полиция пункті салынды, деп хабарлайды kazlenta.kz.
Тағы 43 осындай пункт салынғанда олардың саны 221-ге жетеді, сөйтіп учаскелік инспекторлардың ғимараты мен тұрғын үйлерінің мәселесі толықтай шешіледі. Бұл туралы бүгін өзінің тұрғындар алдындағы есепті онлайн кездесуінде облыс әкімі Амандық Баталов айтты.
Жиында айтылғандай, 2020 жылы полиция органдарының материалдық-техникалық базасын нығайту жұмысы жалғасты. 79 автомашина сатып алынып, облыс автожолдарында фото-видео тіркеу жүйесінің құрылғылары ауыстырылды.
Барлығы 1268 бейнебақылау камерасы орнатылды, соның 871-і – Талдықорғанда. Биылғы жылы 1,4 млрд. теңгеге тағы 500 камера қойылады.
Осындай қабылданған шаралардың нәтижесінде қылмыс саны 36,3% азайды.