Сотта айыпталушы Қуандық Бишімбаевтың телефоны қаралып жатыр. Судья бейнефайлдарды бірінші өзі қарап шықты. Видеолар дыбысынан кадрларға марқұм Салтанат Нүкенова түсірілгені байқалады, - деп хабарлайды kazlenta.kz тілшісі Tengrinews.kz сайтына сілтеме жасап.
Сонымен қатар, видеодан Нүкенованы балағаттап, сұрақтар қойған Бишімбаевтың даусы да естіледі. Айыпталушының өзі видеоларды "бұл монтаж" деп атады. Сондай-ақ, ол "телефонын бұзып, осыларды жүктеп қойған" деген болжамын да айтты."Ондай болуы мүмкін емес. Менің түсінуімше, ол жерге менің дауысым қойылған", - деп қосты кейінірек Бишімбаев судьяға.