Республика аумағының басым бөлігінде әлі де антициклон ықпалында болғандықтан, елдің солтүстігінде, шығысында және орталығында негізінен жауын-шашынсыз ауа райы күтіледі, деп хабарлайды kazlenta.kz.
Синоптиктердің болжауынша, күндіз ауа температурасының біртіндеп 15-20 градус жылуға дейін көтерілуі болжанады.
Еліміздің қалған аумағында фронтальды бөлімдердің әсерінен ауа-райының тұрақсыз сипаты күтіледі, жаңбыр жауады, жел күшейеді. Түнде еліміздің оңтүстік-шығысындағы таулы аудандарында жауын-шашын (қарға ауысатын жаңбыр) күтіледі, 06 сәуірде елдің оңтүстігі мен оңтүстік-шығысында қатты жаңбыр, найзағай, бұршақ және қатты жел күтіледі.
Қазақстан бойынша түнгі және таңертеңгі сағаттарда тұман болжанылуда.