Бүгін «Доссор-Құлсары-Бейнеу-Сайөтес-Шетпе-Жетібай-Ақтау» автожолының 733 шақырымында жеңіл және жүк көліктерінің соқтығысуы орын алды, деп хабарлайды kazlenta.kz тілшісі «ҚазАвтоЖол» ҰК» баспасөз қызметіне сілтеме жасап.
Апат кезінде ауа-райы ашық, жол жамылғысы құрғақ және таза. Алдын ала мәліметтер бойынша, Toyota маркалы автомобиль жүргізушісі жылдамдықты асырып, Shacman маркалы жүк көлігіне соқтығысқан. ЖКО салдарынан 2 адам оқиға орнында қаза тауып, тағы екеуін Мұнайшы ауылының медициналық мекемесіне түрлі жарақаттармен жеткізді. «ҚазАвтоЖол» ҰК» АҚ ұжымы қаза болған азаматтардың жақындарына қайғыра көңіл айтады. Барлық автокөлік жүргізушілерден аса мұқият болуды және жол ережелерін қатаң ұстануды сұраймыз!17-03-2024, 11:30
Маңғыстау облысында қайғылы оқиға: жолшылар жылдамдық режимін сақтауға шақырады
Фото: «ҚазАвтоЖол» ҰК» баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз