Ақтөбеде дроппер бас бостандығынан айырылды, деп хабарлайды kazlenta.kz тілшісі Polisia.kz сайтына сілтеме жасап.
Жәбірленушіге белгісіз адам қоңырау шалып, ұлының немесе қызының дауысын салып, апатқа түскені туралы хабарлап, оларға келген жас жігітке ақша беруді сұраған. Тағы бір болған жағдайда зейнеткер ауруханада жатқан қызына көмектеседі деген оймен алаяқтарға 4 миллион теңгеден астам қаражат берген.
Алданғанын кейін түсінген зейнеткер полицияға жүгінген.
Тағы бір зейнеткерге белгісіз адам қоңырау шалып, немересі жаяу жүргіншіні қағып кеткенін, оған көмектесу үшін үш миллион теңге беру керек екенін айтты. Оны естіген қарт бір миллион теңге тауып, алаяқтың сыбайласына берген.
Жәбірленушілер алаяқтарға осы уақытқа дейін жинаған соңғы ақшаларын бергенін айтты. Қарттардан ақша алғаннан кейін телефон алаяқтарының серіктесі оларды көрсетілген шоттарға жіберіп, бір бөлігін өзіне қалдырып отырған. Сотта ол белгісіз бейтаныс адамның оған қоңырау шалып, курьер болып жұмыс істеуді ұсынғанын мәлімдеді.
Сот 22 жастағы күдіктіні алаяқтық жасағаны үшін кінәлі деп тауып, оны 3 жылға бас бостандығынан айырды.
Сондай-ақ оны жәбірленушілерге жалпы сомасы 8 миллион теңгеден астам шығынды өтеуге міндеттеді және қарттарды алдауға жұмсаған тікелей жетекшісін анықтау және ұстау бойынша тергеу шаралары жүргізіліп жатыр.