Астанада есірткі жарнамалаған екі тұрғын анықталды, – деп хабарлайды kazlenta.kz тілшісі Polisia.kz сайтына сілтеме жасап.
“Тосқауыл” ЖПІШ өткізу кезінде Сарыарқа полициясының қызметкерлері тінту кезінде 24 дана мөлшерінде есірткі дүкендерінің жарнамалық жапсырмаларын тауып алды. Елорданың 34 жастағы тұрғынынан есірткі заттарын сатуды насихаттайтын жапсырма табылды. Сондай-ақ тұрғылықты жерін тінту барысында сұр-жасыл түсті ұнтақты консистенциясы бар, ерекше иісі бар және жапсырмалары бар 13 полиэтилен конволюциясы табылып, тәркіленді.
Бұдан әрі, 38 жастағы ер адам тұрғылықты жерін тінту барысында 30 дана мөлшерінде есірткі заттарын өткізуді насихаттайтын жапсырмалар және “Шам” түріндегі есірткі құралдарын қолдануға арналған құрылғылар табылып, тәркіленді.
Полиция қызметкерлері жапсырмаларды одан әрі жарнамалау үшін телеграм-арнасы арқылы сатып алғанын, олардың біреуі телеграм арқылы одан әрі өткізу үшін есірткі заттарын сатып алғанын анықтады. Осы факті бойынша қылмыстық іс қозғалды, қажетті сараптамалар тағайындалды. Олар Астана қаласы ПД уақытша ұстау изоляторына қамалды.