Статистика көңіл көншітерлік емес: қысқы спорт түрлері дамытылуға тиіс солтүстік өңірлер бар, бірақ олар халықаралық қысқы жарыстарға бірде-бір лицензия алған жоқ. Туризм және спорт министрлігінің өкілдері ОКҚ алаңында өткен баспасөз конференциясында бұл жағдайды түзету үшін қандай жұмыстар атқарылып жатқаны туралы айтты, деп хабарлайды kazlenta.kz.
ҚР ТСМ Спорт және дене шынықтыру комитеті төрағасының орынбасары Айгүл Бектенова атап өткендей, қазіргі уақытта Министрлік тірек және медаль көп түсетін спорт түрлері мәселесін пысықтауда. Заң жобасы әзірленді. Егер бұрын әр өңір қандай спорт түрлерін дамыту керектігін өз бетінше анықтаса, енді басымдықтарды белгілеу ұсынылады.«Біз талдау жасап, әр өңірдің 55-100 спорт түрін дамытып жатқанын көрдік. Оның ішінде Олимпиада, Паралимпиада, Сурдлимпиада, Азия ойындарының бағдарламасына кірмейтін спорт түрлері бар. Құзыретті өзімізге алып, өңірлер бөлінісінде олардың климаттық жағдайларын, материалдық-техникалық базасын, спорт объектілерін дамытуды, жаттықтырушы-оқытушы әлеуетін және тарихи қалыптасқан нәтижелерді ескере отырып, басым спорт түрлерінің тізбесін айқындайтын боламыз», - деді спикер.