Ибрагим Калынның айтуынша, батыс оларды бірнеше рет Ресейге қарсы санкциялар енгізуге шақырған. Бірақ Түркия өз мүддесін қорғауға және "тепе-теңдік саясатын" ұстануға ниетті.
"Біз (Мәскеуге қарсы - ред.) санкциялар енгізбейміз және оларға қосылмаймыз. Біз өз мүддемізді қорғауға тиіспіз. Егер бәрі көпірді жойса, Ресеймен кім сөйлеседі? Біздің Ресеймен экономикалық қарым-қатынасымыз санкция енгізу Ресейден гөрі Түркияға көбірек зиян келтіретіндей сипатта. Біздің (санкция мәселесі бойынша - ред.) нақты ұстанымымыз бар. Батыс та оны қабылдады", - деді Калын.
Осы орайда Түркия президентінің өкілі батыс енгізген санкциялар Ресейді келіссөздер үстеліне отыруға итермелемегенін атап өтті.