Ru  Kz
Барлық жаңалықтар

Нұр-Сұлтанда қауіпті тұрғын үй кешендерінің саны азайып келеді

Нұр-Сұлтанда көктемнің басынан бастап қауіпті тұрғын үйлерді жөндеу бойынша ауқымды жұмыстар басталды. ТКШ бағдарламасы бойынша жөнделген көп пәтерлі тұрғын үй кешендерінің жалпы саны 2020 жылы 50-ден асады, сондай-ақ 100-ге жуық лифт жөнделіп, ауыстырылады, деп хабарлайды kazlenta.kz елорда әкімдігіне сілтеме жасап.


«Елордада қауіпті тұрғын үй кешендерін жөндеу бойынша жұмыстар жүргіземіз. Бұл құлап жатқан плиталар, жанғыш төсемдер, апатты жағдайдағы жеделсатылары бар үйлер. Мысалы, «Территория комфорта – 2» көппәтерлі тұрғын үй кешені бәріне белгілі. Тұрғындар кездесулер барысында үйде тұрудан үрейленетінін айтқан. Олар желді күні балаларын далаға шығаруға қорқады екен. Бұған себеп - үйді қаптап тұрған плиталардың жиі құлауы.


Бұл көппәтерлі тұрғын үй кешенінде ауқымды жұмыстар жүргізілді: қасбеті толық ауыстырылды, керамогранит плиталар алынып тасталды, жылытқыштар, қабатаралық, өрт жағдайына арналған есіктер және тағы басқалары ауыстырылды. Бұрын үй пайдалануға берілмеген еді, ТК-ның мекенжайы болмады. Тұрғындар пәтерлерінде тіркеле алмады, яғни өздері тұратын ауданның әлеуметтік нысандарының қызметтерін пайдалана алмады.


Ал енді бұл мәселелер шешілді. Бүкіл құжаттаманы дайындап, ТК-ны пайдалануға бердік. Енді үйдің өз ресми мекенжайы бар. Мамандар пәтер иелеріне техникалық паспорт беру үшін пәтерлер аумақтарын өлшеуге кірісті», - деді елорда әкімі Алтай Көлгінов.


Кездесу барысында ТК тұрғындары балаларын көшеге шығарудан қорыққанын, плиталар құлап кетеді деген қауіппен өздері үйдің жан-жағын, төбесін қарайлап жүретінін атап өтті.


«Плиталар жел тұрса құлайтын. Олар тез жанатын еді, сондықтан өрт шыға ма деген қорқыныш болды. Көп таныс адамдар бізге үй тіпті құлап кетуі мүмкін деді. Тұрғын үй кешенінің өзі бірнеше жыл бұрын қауіпті деп танылған. Енді үй өзгерді. Біздің үй де және аула да қауіпсіз. Жақында біз өз пәтерімізге техникалық паспорт аламыз. Көрсетілген көмек үшін Президентке, мемлекетке алғысымызды білдіреміз», - деп атап өтті тұрғындар.


Сонымен қатар, Нұр-Сұлтанда апатты жағдайдағы үйлерді бұзу жұмыстары жүргізілуде. 2019 жылы 200-ге жуық отбасы жаңа тұрғын үйге көшірілді, биыл 200-ден астам отбасын көшіру жоспарлануда.


скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Димаш Құдайберген Ақтөбе облысының құтқарушыларына алғысын білдірді
Димаш Құдайберген жаңа бейнебаяны шыққанын сүйіншіледі
Димаш Құдайберген аты аңызға айналған опера әншісімен бірге ән айтты
Әлем жұлдыздары Астанада өткен Қысқы қайырымдылық балын қолдады
Димаш Құдайберген Сербияда беделді «Ағайынды Карич қоры» сыйлығын алды
Мультимедиа
Олжас Бектенов Nazarbayev University ғылыми әзірлемелерімен танысты
Қасым-Жомарт Тоқаев Қазақстан мен Әзербайжанның Жоғары мемлекетаралық кеңесінің бірінші отырысына қатысты
Қасым-Жомарт Тоқаев «Болашақтың ойындары» халықаралық турнирінің ашылу рәсіміне қатысты
Қасым-Жомарт Тоқаев Президенттік жастар кадр резервінің форумына қатысты
Олжас Бектенов IV қысқы жасөспірімдер арасындағы Олимпиада ойындарының жеңімпаздарына Мемлекет басшысының алғыс хаттарын табыс етті