Елімізде құс тұмауынан қырылған 329691 бас үшін өтемақы төленеді. Бұл туралы ҚР АШМ Ветеринариялық бақылау және қадағалау комитеті төрағасының міндетін атқарушы Тұрсын Қабдолданов ҚР Президенті жанындағы ОКҚ брифингінде хабарлады.
«Орташа нарықтық құнын өтеуді комиссия жүзеге асырады. Арнайы штабтар құрылды. ҚР АШМ Ветеринариялық бақылау және қадағалау комитетінің «Республикалық эпизоотияға қарсы отряд» РММ-сі құс иелерінің сараптама, жою актісі, құс тұмауынан болған өлім-жітімді растайтын құжаттары және арнайы шотты ашқан кезде ғана қаржыны аударады. Комиссия өтемақыны Қазақстан Республикасы Статистика комитетінің құстардың түрлері бойынша деректері негізінде анықтайды», - деді спикер.