Прокурор олигарх Қайрат Сатыбалдының бұрынғы әйелі Гүлмира Сатыбалдыны сегіз жылға бас бостандығынан айыруды сұрады, деп хабарлайды kazlenta.kz тілшісі Zakon.kz сайтына сілтеме жасап.
Ол Гүлмира Сатыбалдыны қылмыстық құқық бұзушылық жасағаны үшін кінәлі деп тануды сұрады.
21 сәуір күні Гүлмира Сатыбалды сотта сұрақ-жауап алу кезінде өз кінәсін ішінара мойындайтынын мәлімдеді.
Байқоңыр ауданының №2 сотында сотталушы Гүлмира Сатыбалды өз ісін қарап жатқан судьяға қарсылық танытты. Қорғаушы тарап өкілдері судья жұмысына қарсылықты жариялай отырып, Гүлмира Сатыбалды ҚР ҚІЖК-нің 23-бабына сүйенетінін жеткізді. Бұл бапта сот объективтілік пен бейтараптылықты сақтай отырып, тараптардың іс жүргізу міндеттерін орындауы және оларға берілген құқықтарды жүзеге асыруы үшін қажетті жағдайлар жасауға міндетті екені көрсетілген. Олар судья Кемеңгер Имашев өздеріне аталған жағдайды жасамады деп мәлімдеді.