Алматының жанармай құю бекеттерінде бензин мен дизель қымбаттады, деп хабарлайды kazlenta.kz тілшісі Tengrinews.kz сілтеме жасап.
17 сәуір таңертең Алматыдағы жанармай құю бекеттерінде АИ-92 маркалы бензиннің бағасы 205 теңге болды.
Алматыдағы жанармай құю бекеттеріндегі АИ-95/96 бағасы әртүрлі. 17 сәуір таңертең Sinooil-да АИ-96-ның бір литрі 222 теңге тұрса, Royal Petrol мен "Газпромнефтте" АИ-95-ті 230 теңгеден құюға болады.
Sinooil жанармай құю бекеттерінде дизель бағасы 295 теңге. "Газпромнефть" жанармай құю бекетінде - 450 теңге.
Ал, Астанадағы Nomad жанар-жағармай құю бекеттері желісіндегі жанармай бағасының алматылық бағадан айырмашылығы жоқ. Мұнда да АИ-92-тің литрі 205 теңгеден, АИ-95 224 теңгеден, АИ-98 де 245 теңгеден сатылып жатыр. Ал, дизельдің литрі 295 теңге.
Сондай-ақ Қызылордадағы жанар-жағармай құю бекеттерінде де жанармай бағасы көтерілді.