Петропавлдың оңтүстік-шығысында диаметрі 800 мм су құбырының зақымдалғаны 28 қаңтар күні таңертең белгілі болған. Қазір қаладағы жұмысшылар ауылы, "Береке" ықшамауданы мен вокзал маңындағы үйлер сусыз отыр. Тұрғын үй - коммуналдық шаруашылық бөлімінің баспасөз қызметінің хабарлауынша, су құбырын толық тексеру кезінде қосымша істелуі керек жұмыстар бар екені анықталды. Зақымдалған жерді жөндеу үшін көбірек уақыт қажет болды.
"Су жақын арада беріледі. 35 адам мен 17 техника жұмыс істеп жатыр", - деді баспасөз қызметі.