«Барыс» Құрлықтық хоккей лигасындағы кезекті ойынын бүгін Ресейде «Металлург» (Магнитогорск) командасына қарсы өткізеді, деп хабарлайды ҚазАқпаратқа сілтеме жасаған kazlenta.kz
Аталған ойын бүгін, 23 қаңтар r8y3 елорда уақытымен 20:00-де басталып, «Qazsport» телеарнасынан тікелей эфирде көрсетіледі.
Екі команда бұған дейін 67 мәрте кездесті. Оның 25-і «Барыстың» басымдығымен аяқталса, қалғанында ресейлік клубтың мерейі үстем болды.
Қазір турнир кестесінде елу бес ойыннан кейін 52 ұпайға қол жеткізген «Барыс» 18-орында келеді.
Ал елу үш ойыннан кейін 66 ұпай жинаған «Металлург» 8-орынға жайғасқан.
Еске салсақ, бұдан бұрын «Барыс» Ресейде «Автомобилист» командасынан басым түсті.