Ақтөбе қаласы әкімінің орынбасары қызметіне Айдос Хамиев тағайындалды, деп хабарлайды ҚазАқпаратқа сілтеме жасаған kazlenta.kz
Айдос Хамиев 1985 жылы дүниеге келген. Білімі жоғары, Ш. Есенов атындағы Ақтау мемлекеттік университетін азаматтық, өнеркәсіптік құрылыс және қала шаруашылығы мамандығы бойынша аяқтаған. Еңбек жолын «Бисентин» ЖШС құрылыс уческесінің мастері, жұмыс өңдірушісі болып бастаған.
2008-2015 жылдар аралығында Маңғыстау облысының мемлекеттік құрылыс инспекторы, ҚР Құрылыс және тұрғын үй-коммуналдық шаруашылығы агенттігінде сарапшы, бас сарапшы, басқарма басшысы, Солтүстік-Қазақстан облысы, Жамбыл және Ақмола облыстарының бас мемлекеттік құрылыс инспекторы болды.
2015-2021 жылдар аралығында Ақмола облысы Зеренді ауданы әкімінің орынбасары, Маңғыстау облысы Түпқараған ауданының әкімі, Маңғыстау облысының құрылыс және энергетика, тұрғын үй-коммуналдық шаруашылығы басқармаларында жетекшілік еткен.
Жаңа қызметке тағайындалғанға дейін «Астана қаласының құрылыс басқармасы» ММ басшысының орынбасары болып жұмыс істеді.
Еске салсақ, осы аптада Ақтөбе қаласының әкімі болып Мұрат Жүребеков тағайындалды. Бұл қызмет бір ай бойы бос тұрды.