Автордың жазуынша, 25 қазан – Республика күні болып қайта жариялауына байланысты демалыс мәртебесі де қайтарылған. Алайда 1 және 17 желтоқсан демалыс күндері тізімнен алып тасталған.
"Мен түсінем, мүмкін, Еңбек министрлігі еңбек пен демалыстың теңгерімін назарға алған шығар. Бірақ біз, Қазақстан Республикасының азаматтары 17 желтоқсан әрқашан ұлттық мереке мәртебесінде болғанына үйреніп қалғанбыз", - делінген хатта.
Бұл өтінішке байланысты Еңбек және халықты әлеуметтік қорғау министрі Тамара Дүйсенова жауап берді. Ол ведомство 17 желтоқсанға мереке күні мәртебесін қайтаруды мақсат етпейтінін айтты. "16 желтоқсан - 1986 жылғы Желтоқсан оқиғасына тікелей байланысты күн болғандықтан мемлекеттік мереке. Бұл орайда еске алу күні 17-18 желтоқсан болып отыр. Сол себепті 17 желтоқсанды мемлекеттік мереке ретінде атап өтуді орынсыз деп санаймыз", - дейді Еңбек және халықты әлеуметтік қорғау министрі.