"Алтын доп" иегері Карим Бензема Франция құрамасындағы мансабын аяқтады, деп хабарлайды kazlenta.kz.
"Өзімді тану үшін осы уақытқа дейін біраз қателіктер жібердім және бар күшімді салдым. Бұны мақтан етемін. Мен өз тарихымды жасадым және біздің ортақ әңгімеміз аяқталып жатыр", – деп жазды футболшы желідегі парақшасында. Айта кетейік, Әлем біріншілігінің басталуына санаулы күндер қалғанда Карим Бензема жарақат алып қалған еді. Алайда Францияның бас бапкері Дидье Дешам шабуылшыны турнирге қатысатын ойыншылар тізімінен "сызбады".
Жартылай финалдың алдында БАҚ беттерінде корольдік клубтың сұрмергені жарақатынан толық айықты деген ақпарат шықты. Кейінірек "Реал Мадрид" басшылығы Карим Бенземаны Катарға жіберуге дайын екенін жеткізді. Алайда "Алтын доп" иегері турнирдің финалында ойнаған жоқ.
20-12-2022, 14:08
Бензема Франция құрамасындағы мансабын аяқтады
Егер мәтінде қате байқасаңыз, оны таңдап, Ctrl+Enter пернелерін басыңыз