"Қазгидормет" РМК 8-10 желтоқсанға арналған ауа райы болжамын ұсынды. Синоптиктердің болжамынша, алдағы күндері елімізде біртіндеп аяздың беті қайтады, деп хабарлайды kazlenta.kz.
Метеорологиялық қызмет мамандарының мәліметінше, Қазақстанның басым бөлігі әлі де суық антициклонның ықпалында болады, сондықтан ел аумағында жауын-шашынсыз ауа райы сақталады. Тек алдағы тәуліктерде атмосфералық фронтальды бөліктердің әсерінен республиканың шығысында, орталығында және оңтүстігінде қарлы бұрқасын, оңтүстік және оңтүстік-шығыстағы таулы аймақтарда қалың қар күтіледі.
Сондай-ақ алдағы үш күнде елімізде біртіндеп аяздың беті қайтады деп күтілуде: батыста түнде 5-15 градусқа дейін, күндіз 0-5 градусқа дейін аяз; солтүстікте түнде 18-28 градусқа дейін, күндіз 12-17 градусқа дейін аяз; орталықта және шығыста түнде 22-30 градусқа дейін, күндіз 13-20 градусқа дейін аяз болмақ; Ал республиканың оңтүстігі мен оңтүстік-шығысында ауа температурасы түнде 13-25 градусқа дейін, күндіз 8-18 градусқа дейін төмендеуі ықтимал.
8-12-2022, 09:06
Алдағы күндері елімізде аяздың беті біртіндеп қайтады
Егер мәтінде қате байқасаңыз, оны таңдап, Ctrl+Enter пернелерін басыңыз