Степногор қаласының Бестөбе кентінде 33 жастағы тұрғынның үйінен кварц кенін өңдейтін шағын цех табылды, деп хабарлайды ҚазАқпарат-қа сілтеме жасаған kazlenta.kz
Ақмола облыстық полиция департаменті баспасөз қызметінің мәліметінше, ер адам цехты өзі құрастырған және құрамында алтыны бар руданы үйінділерден жинаған.
«Тергеу барысында полиция қызметкерлері ер адамның үйінен үш ұсатқыш пен екі жуғыш үстел тапты. Бұл дерек Қылмыстық кодекстің 295-1-бабының 1-бөлігі бойынша сотқа дейінгі тергеудің бірыңғай тізіліміне тіркелді. Тергеу амалдары одан әрі жалғасып жатыр. Жалпы, жыл басынан бері өңірде осы бап бойынша 10 қылмыстық іс тіркелді», - деді ведомстводан.
Айта кетсек, Ақмола облысында жер қойнауын заңсыз пайдаланған кәсіпкер 2,5 жылға сотталған еді.