Жазатайым оқиға Қарағанды қаласының Сұрыптау ауданындағы Таймырская көшесінің артындағы карьерде орын алды, деп хабарлайды kazlenta.kz тілшісі Қазақпаратқа сілтеме жасап.
— 2009 жылы туған жасөспірім карьер суына батып кетті. Қайғылы оқиға суға түсуге тыйым салынған жерде орын алды, — деп хабарлайды Қарағанды облысы ТЖД баспасөз қызметі.
Белгілі болғандай, марқұм екі досымен бірге су айдынына шомылуға келген. Бірақ ол жүзе алмаған.
Қазіргі уақытта оқиғаның мән-жайы анықталып жатыр.
Құтқарушылар азаматтарды суда қауіпсіздік ережелерін сақтауға, бейтаныс және жабдықталмаған жерлерде шомылмауға шақырады. Сондай-ақ, түнгі уақытта және жүзу дағдыларынсыз шомылудан бас тарту керектігін еске салады.
Бұған дейін Қазақстанда шомылу маусымы басталғаннан бері 5 адам суға кеткені жайлы хабарлаған болатынбыз.