Қазақстандағы алғашқы атом электр станциясының құрылысы 12 жылға созылуы мүмкін. Бұл туралы Атом энергиясы агенттігі хабарлады, - деп хабарлайды kazlenta.kz тілшісі Tengrinews.kz сайтына сілтеме жасап.
Ведомствоның баспасөз қызметі мәліметінше, Қазақстандағы АЭС құрылысының болжамды аяқталу мерзімі 2035–2036 жылдар.
"Жалпы әлемдік тәжірибе атом электр станциясын жобалау, салу және пайдалануға беру мерзімі 10–12 жыл болатынын көрсетеді. Осыған сәйкес, құрылыстың аяқталу мерзімі шамамен 2035–2036 жылдар. "Росатом" мемлекеттік корпорациясы бұл жоспарларға сәйкес келетінін растады", – делінген хабарламада.