Танысының сеніміне кіріп 1 млн теңгеге тауарлық несие ресімдеген елордалық ұсталды, - деп хабарлайды kazlenta.kz тілшісі Polisia.kz сайтына сілтеме жасап.
Астанада алаяқтық дерегі бойынша 29 жастағы азамат қолға түсті. Ол өзінің танысының сеніміне кіріп, оның телефонын заңсыз пайдалану арқылы банктен шамамен 1 миллион теңгеге жуық тауарлық несие рәсімдеген. Күдіктіні анықтап, ұстау бойынша жедел-іздестіру іс-шараларын Сарыарқа аудандық криминалдық полиция бөлімінің қызметкерлері жүргізді. Нәтижесінде күдікті ұсталып, қамауға алынды. Тергеу барысында ол өз кінәсін толық мойындады. Қазіргі уақытта аталған факт ҚР Қылмыстық кодексінің 190-бабы бойынша сотқа дейінгі тергеудің бірыңғай тізіліміне тіркеліп, тергеу амалдары жүргізілуде. Астана қаласының полиция департаменті азаматтарға цифрлық қауіпсіздікке ерекше көңіл бөлу қажеттігін ескертеді. Банк қосымшаларына қолжетімділік беретін құпия сөздер мен деректерді бөгде адамдарға еш жағдайда беруге болмайды. Сенімділіктің арты өкінішке соқтырмас үшін әрбір азамат өз деректеріне мұқият қарауы қажет.16-05-2025, 15:59
Танысының сеніміне кіріп 1 млн теңгеге тауарлық несие ресімдеген елордалық ұсталды
Фото: pixabay.com
Егер мәтінде қате байқасаңыз, оны таңдап, Ctrl+Enter пернелерін басыңыз