Алдағы күндері республиканың ауа райына оңтүстік циклон әсер етеді. Осыған байланысты 6-8 мамыр аралығында еліміздің батысында, солтүстік-батысы мен солтүстігінде, ал 8 мамырдан бастап орталық, шығыс және оңтүстік өңірлерінде тұрақсыз ауа райы күтіледі: жаңбыр, найзағай, күндіз бұршақ жаууы ықтимал, деп хабарлайды kazlenta.kz.
6-7 мамырда Батыс Қазақстан, Атырау облыстарында, 7 мамырда Маңғыстау облысында, 7-8 мамырда Ақтөбе облысында қатты жаңбыр болжанады. Тек Қарағанды облысында жауын-шашынсыз ауа райы күтіледі. Республиканың оңтүстік-батысында және 8 мамырда оңтүстік-шығысында шаңды дауыл болжанады.
Түнгі және таңғы сағаттарда 6 мамырда Павлодар және Абай облыстарында, 6-7 мамырда Шығыс Қазақстан облысында үсік күтіледі.
Ауа температурасы: батыс өңірлерде күндізгі температура 23-30 градустан 21-26 градусқа дейін төмендейді; солтүстік-батыс, солтүстік және шығыс өңірлерде 20-25 градустан 24-29 градусқа дейін көтеріледі; орталықта 22-30 градустан 27-35 градусқа дейін жылынады; оңтүстікте 31-38 градус жылы; оңтүстік-шығыста 25-32 градустан 30-38 градусқа дейін көтеріледі.