Абай облысында алимент қарызы 1,2 миллион теңгеден асқан борышкер анықталды, — деп хабарлайды kazlenta.kz тілшісі Polisia.kz сайтына сілтеме жасап.
Абай облысы полиция департаментінің Аксуат ауданы полиция бөлімінің көші-қон қызметі бөлімшесінің қызметкерлері алимент төлеуден жалтарып жүрген 41 жастағы азаматты анықтады. Оның қарызы шамамен 1 200 000 теңгені құрады. Іздестіру іс-шаралары барысында полицейлер борышкердің Өскемен қаласында жүргенін анықтады. Қазіргі уақытта материалдар берешекті өндіру бойынша әрі қарай шара қабылдау үшін сот орындаушыларына жолданды. Жалпы, осы жылдың басынан бері Абай облысы полиция департаментінің көші-қон қызметі бөлімшелері 65 борышкерді анықтады. Олардың қатарында алимент, салық төлеуден және материалдық шығынды өтеуден жалтарып жүрген азаматтар бар.17-04-2025, 11:52
Абай облысында алимент қарызы 1,2 миллион теңгеден асқан борышкер анықталды
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз