Қызылорда облысында өртсөндірушілер өрт кезінде жарылыстың алдын алды, - деп хабарлайды kazlenta.kz тілшісі Tengrinews.kz сайтына сілтеме жасап.
112 пультіне Арал ауданы Қызылорда - Шымкент тасжолында жүк көлігінің тіркемесі өртенгені туралы хабарлама түскен. Оқиға орнына дереу жеткен өрт сөндіру есептоптары өртті аз уақытта оқшаулаған."Тіркеме ішіндегі 50 литрлік бес газ баллон ерекше қауіп төндірді. Жоғары температурада олар кез келген уақытта жарылып кетуі мүмкін еді. Өртсөндірушілер баллондарды өрт болған жерден тез шығарып, сумен салқындатты", - деп жазылған хабарламада.
Өрт толығымен ауыздықталған.