Қазақстанға ірі инфрақұрылымдық жобалар өте қажет. Ұлттық құрылтайдың V отырысында Президент Қасым-Жомарт Тоқаев осындай ой айтты, деп хабарлайды kazlenta.kz тілшісі Қазақпаратқа сілтеме жасап.
- Алдағы төрт жыл ішінде елімізде жыл сайын 200-ге жуық инвестициялық жоба іске қосылып отырады. Осы арқылы біз мемлекеттің жаңа индустриялық қалыбын жасап, көлік-транзит әлеуетін нығайта түсеміз, - деді Қасым-Жомарт Тоқаев.
- Ауқымды жобалар аймақтардың экономикалық мүмкіндігін арттырады. Мыңдаған жаңа жұмыс орнын ашып, азаматтардың әл-ауқатын жақсартуға ықпал етеді. Жалпы айтқанда, ірі жобаларды жүзеге асыру – еліміздің осы аймақтағы көшбасшылық рөлін арттыратын бірден-бір жол, - деді Мемлекет басшысы.