Маңғыстау облысында есірткі сақтаған жергілікті тұрғын жауапқа тартылды, – деп хабарлайды kazlenta.kz тілшісі Polisia.kz сайтына сілтеме жасап.
2025 жылы Маңғыстау облысы полиция департаментінің есірткі қылмысына қарсы іс-қимыл басқармасының қызметкерлері жүргізген жедел-іздестіру шаралары барысында Ақтау қаласының 4-шағын ауданында NIVA автокөлік ішінде 1983 жылы туған жергілікті тұрғын ұсталды. Көлік салонын тінту барысында 60 сіріңке қорабына салынған марихуана есірткі заты, екі аңшы мылтығы және шамамен 500 дана оқ-дәрі тәркіленді. Тергеу органдары аталған азаматқа қатысты қылмыстық істі ҚР Қылмыстық кодексінің 297-бабы 2-бөлігі бойынша, яғни есірткі заттарын ірі көлемде заңсыз сатып алу, тасымалдау және сақтау, әрі қарай өткізу мақсатында жасалған құқық бұзушылық фактісі бойынша сотқа жолдады. Ақтау қаласының қылмыстық істер жөніндегі сотының үкімімен азамат ҚР Қылмыстық кодексінің 297-бабы 2-бөлігі бойынша кінәлі деп танылып, 7 жыл бас бостандығынан айыру жазасына кесілді.Кеше, 10:20
Маңғыстау облысында есірткі сақтаған жергілікті тұрғын жауапқа тартылды
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз