Маңғыстау облысында есірткі тасымалымен айналысқан күдіктілер ұсталды, – деп хабарлайды kazlenta.kz тілшісі Polisia.kz сайтына сілтеме жасап.
7 қазан күні Маңғыстау облысы ПД есірткі қылмысына қарсы іс-қимыл басқармасы қызметкерлерімен жедел-іздестіру шараларын жүргізу барысында Ақтау қаласындағы жалдамалы пәтерлердің бірінде 18 жастағы Қарағанды облысының тұрғыны ұсталды.
Тінту жұмыстарын жүргізу кезінде құрамында альфа-PVP синтетикалық есірткі заты бар 210 байлам табылып, тәркіленді. Тәркіленген заттардың жалпы құны 6,5 миллион теңгеден асады.
Сондай-ақ гашиш есірткі затының 30 байламы тәркіленіп алынды.
Аталған дерек ҚР ҚК-нің 297-бабы 3-бөлігімен СДТБТ-ға тіркелді. Күдікті азамат соттың санкциясымен 2 айға қамауға алынды. Өзге ақпарат тергеу мүддесінде жария етілмейді.
Сондай-ақ ірі мөлшерде есірткі тасымалымен айналысқан ақтаулық тұрғын құрықталды.
5 қазан күні Маңғыстау облысы ПД есірткі қылмысына қарсы іс-қимыл басқармасы қызметкерлерімен жедел-іздестіру шараларын жүргізу барысында Ақтау қаласында шағын аудандардың бірінде 23 жастағы жергілікті тұрғын ұсталды.
Тінту жұмыстарын жүргізу кезінде құрамында “МДМА” (экстази) синтетикалық есірткі заты бар құны 6 миллион теңгеден асатын бір үлкен целлофан байламы тәркіленді. Белгілі болғандай, күдікті есірткі заттарын Telegram әлеуметтік желісіндегі арна арқылы сатпақ болған.
Аталған дерек ҚР ҚК-нің 297-бабы 3-бөлігімен СДТБТ-ға тіркелді. Күдікті азамат соттың санкциясымен 2 айға қамауға алынды. Өзге ақпарат тергеу мүддесінде жария етілмейді.