Алматы облысында Есік көліне апаратын жол наурыз айының соңына дейін жабылды, деп хабарлайды kazlenta.kz тілшісі Zakon.kz сайтына сілтеме жасап.
"Қар көшкіні мен төтенше жағдайлардың алдын алу мақсатында 2025 жылдың 27 қаңтарынан 31 наурызына дейін ұлттық саябаққа келушілердің барлығына бақылау-өткізу бекеті арқылы Есік көліне баруға тыйым салынады", делінген Іле-Алатауы ұлттық саябағы әкімшілігінің хабарламасында.
Ұлттық парк, Түрген орманшылығының бақылау-өткізу бекеті арқылы "Түрген – Обсерваториясы" бағыты бойынша ұлттық парктің келушілері мен демалушыларының жаяу және жеңіл, жүк, жолаушы көліктерінің өтуіне таңғы сағат 10:00-ден кешкі сағат 17:00-ге дейін рұқсат. Кешкі сағат 18: 00-ден таңғы сағат 10:00-ге дейін өтуге тыйым салынады.