ҚР Премьер-Министрінің бірінші орынбасары Роман Склярдың төрағалығымен Инвестициялар тарту жөніндегі кеңестің кезекті отырысы өтті, деп хабарлайды kazlenta.kz тілшісі Үкіметтің баспасөз қызметіне сілтеме жасап.
Шараға қатысушылар айтарлықтай тәжірибесі мен авиация саласында терең сараптамасы бар ірі халықаралық вьетнамдық компания – SOVICO Group пайдасына қарай «QAZAQ AIR» АҚ мәмілесін іске асыру мәселесін талқылады. Шетелдік инвестордың әуе компаниясын сатып алуының негізгі міндеттемелерінің бірі Boeing және Airbus модельдерімен әуе кемелерінің паркін кеңейту болды. Бұл отандық азаматтық авиация нарығының дамуына елеулі серпін бермек.
Сондай-ақ Кеңесте қатарлық инвесторлармен бірлесіп іске асырылып жатқан 4 ірі газ жобасын жүзеге асыру бойынша бірқатар шешім қабылданды.
Бұдан басқа, инвестициялық жобаларда өнеркәсіптік жабдықтармен жұмыс істеу ерекшелігін ескере отырып, Кеңес Инновациялық объектілерді орнату және пайдалану бойынша жекелеген мамандар үшін виза беру ережелеріне өзгерістер енгізуді тапсырды. Мұндай тәсіл инвестициялық жобаларды іске асыру жағдайларын жақсартуға ықпал етеді.