Алматы облысында оқушы қыз сабақ үстінде ауырып, көп ұзамай жедел жәрдем көлігінде көз жұмды, деп хабарлайды kazlenta.kz тілшісі Ulysmedia.kz сайтына сілтеме жасап.
Оқиға Қошмамбет ауылында болған
Бұл туралы облыстық Білім басқармасы мәлімдеді.
Қыз бала 23 сәуірде Қарасай ауданы Қошмамбет ауылында қайтыс болды. Қошмамбетов атындағы мектепте сабақ кезінде 4-сынып оқушысы есінен танып қалған. Ведомство қызға медициналық көмек көрсетілгенін айтты. Бірақ әрекет нәтижесіз болды, ол жедел жәрдем көлігінде көз жұмған.
Полиция не дейді
Тәртіп сақшылары қайғылы оқиғаның мән-жайын анықтауға кірісті. Облыстық Полиция департаментінің баспасөз қызметі кейінірек түсініктеме беруге уәде берді.