Күні кеше Риддер полиция бөлімінің «102» жедел арнасына қалалық аурухана медбикесінен Риддер қаласының 70 жастағы тұрғыны дене жарақаттарымен травматология бөліміне жүгінгені туралы хабарлама түсті, деп хабарлайды kazlenta.kz.
Оқиға орнына тез арада жедел-тергеу тобы жіберілді. Жәбірленушінің айтуына қарағанда,14 қаңтар күні шамамен кешкі 22:00 уақытында,оның үйіне бетперде киген белгісіз екі ер адам кіріп,денесіне соққы тигізіп,содан кейін 7000 теңге көлеміндегі ақшаны ұрлап кеткендігін жеткізді.
Жедел іздестіру іс-шаралары барысында Риддер қаласының криминалдық полиция бөлімінің қызметкерлері, ШҚО полиция департаментінің криминалдық полиция басқармасының қызметкерлерімен бірлесіп, 33 және 44 жастағы күдіктілерді ұстады. Қылмыскерлер өз кінәсін мойындаған.
Қылмыскерлер Риддер қаласының ПБ-ның уақытша ұстау изоляторына қамалды.
ҚР ҚК 192-бабы 3-бөлімі (Қарақшылық) бойынша сотқа дейінгі тергеу амалдары басталды.