Соңғы үш жылда 17 жекеменшік емхана ашылып, халыққа сапалы қызмет көрсетуде. Қала бойынша амбулаторлық деңгейде 54 медициналық ұйым қызмет атқарады. Оның ішінде 14-і мемлекеттік, 40-ы жекеменшік медициналық ұйымдар. Қала тұрғындарының ұзақ өмір сүруін қамтамасыз ету, медициналық қызмет көрсетудің сапасын жақсарту мақсатында бірнеше емханада әлемдік тәжірибедегі «Үздік тәжірибелік орталықтар» секілді жобалар іске қосылды. Бұл жобалар бүгінде өз жемісін беруде.
Соңғы жылдары мегаполисте халыққа медициналық қызмет көрсететін емханалардың саны артып келеді. Былтырғы жылы 50 мың халыққа қызмет жаңа мекеме ашылса, ал 2023 жылы 8 жаңа медициналық ұйым ашылып, 47 мың халыққа қызмет көрсетуде. Қаланың даму жоспарына сәйкес емханалардың жүктемесі 23%-ға дейін төмендейді.Айта кететін жәйт, қала тұрғындарына стационарлық деңгейде 4 383 төсек орынды 40 медициналық ұйым, оның ішінде 3 623 төсек орынды 15 мемлекеттік аурухана және 760 төсек орынды 25 жеке медициналық ұйым көмек көрсетеді.