Маңғыстау облысында ер адам синтетикалық есірткімен ұсталды, – деп хабарлайды kazlenta.kz тілшісі Polisia.kz сайтына сілтеме жасап.
16 қазан сағат 21:20 шамасында Маңғыстау облысы ПД ұйымдасқан қылмысқа қарсы күрес басқармасының қызметкерлері Маңғыстау облыстық прокуратурасының үйлестіруімен Ақтау қаласының 17-шағын ауданында 30 жастағы азаматты анықтап, ұстады. Жеке тінту барысында шалбарының оң қалтасынан қара изолентаға оралған синтетикалық есірткі затына ұқсас өткір иісті жасыл түсті заттың екі түйіншегі табылып, тәркіленді.
Бұл дерек ҚР ҚК-нің 296-бабы 4-бөлігі бойынша Ақтау қалалық ПБ СДТБТ-ға тіркелген.
Есірткі, психотроптық заттарды, олардың аналогтары мен прекурсорларын сот-сараптамалық зерттеу тағайындалды. Жалпы салмағы – 2,088 грамм. Қажетті жедел-тергеу іс-шаралары жүргізіліп жатыр.
Күдікті сот санкциясымен 2 айға қамауға алынды.