Ақтөбе облысының полицейлері тұрғыннан жарылғыш заттарды тәркіледі, – деп хабарлайды kazlenta.kz тілшісі Polisia.kz сайтына сілтеме жасап.
Полиция қызметкерлеріне Шалқар қаласының тұрғыны өз үйінде жарылғыш заттарды сақтайтыны туралы жедел ақпарат келіп түсті.
24 тамызда “Құқықтық тәртіп” жедел-профилактикалық іс-шарасы барысында 51 жастағы жергілікті тұрғынның тұрғылықты жерін тінту кезінде үйдің ауласындағы сарайдан жарылғыш тау-кен жұмыстары кезінде пайдаланылатын құбырлы оқ-дәрінің 3 данасы табылып, тәркіленді. Ер адам оны 10 жыл бұрын тау-кен жарғыштарынан сатып алғанын түсіндірді. Сараптама тағайындалды.
Осы факті бойынша ҚР ҚК-нің 287-бабының 3-бөлігі (Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру) бойынша сотқа дейінгі тергеу басталды.