Полицияның хабарлауынша, ер адам Жетісу облысы Ынтымақ ауылының маңындағы орман алқабынан барлығы 56 қарағашты кесіп тастаған. Ер адамның кесілген ағаштардың бір бөлігін үйіне апарып үлгергендігі де айтылған. Полицейлер Панфилов ауданының 28 жастағы тұрғынын ұстады.
"Ағаш тәркіленді. Заңсыз кесу фактісі бойынша сотқа дейінгі тергеу басталды", – делінген хабарламада.
Ер адам ағашты отын жинау үшін кескенін айтқан. Мамандардың айтуынша, шығын көлемі 1 млн теңгеден асады.