Өскемен қаласында соңғы қырық жыл ішінде алғаш рет жаңа трамвайлар қатынайды, деп хабарлайды ҚазАқпаратқа сілтеме жасаған kazlenta.kz
Қала әкімдігінің мәліметіне сүйенсек, жаңа екі трамвай бүгін сыннан өткізілді.
«Сондай-ақ тағы екі трамвай әкелініп, қазір трамвай паркінде жұмысқа әзірленіп жатыр. Олар қаңтардың соңына дейін іске қосылады. Жаңа трамвайлардың жүріс бөлігі жетілдірілген, салонында кондиционер орнатылған, ұялы құрылғыларды қуаттау мүмкіндігі де қарастырылған. Жаңа вагондар қозғалысы шектеулі азаматтардың қажеттіліктеріне сәйкес бейімделген», - дейді қала әкімі Жақсылық Омар.
Оның айтуынша, трамвай желілерін жаңғырту бойынша жұмыс әлі де жалғасады. Паркті ары қарай жаңартуға қатысты шешім алғашқы жаңа вагондарды қолдану тәжірибесінің негізінде қабылданады.